Seguen os cambios na estrutura do Leis Pontevedra Fútbol Sala. Se o pasado mércores o presidente da entidade, José Antonio Neto, decidía prescindir de catro directivos, tres deles fundadores do club, agora tocoulle a quenda ao adestrador do equipo feminino, Jacobo Estors, que foi destituído.
Así o comunicou oficialmente o Leis este venres alegando "perda de confianza así como continuos conflitos cos novos xerentes da sección feminina".
A etapa de Estors ao mando do equipo comezou en 2009, cuns anos nos que logrou consolidarse na Segunda División Feminina.
O seu sustituto no banco pontevedrés será David Muñoz, adestrador do Marcón que chegou ao club pontevedrés trala fusión de ambas entidades o pasado verán.
O seu primeiro partido ao mando disputarase leste mesmo sábado a domicilio ante o Chiloeches de Guadalajara.