O Pontevedra Club de Fútbol non contará a próxima tempada con Jacobo Trigo e con Javier Bonilla.
Foron os propios futbolistas os que confirmaron, a través da rede social Twitter, a decisión de abandonar a entidade granate, coa que levaban varias semanas negociando.
Tanto o centrocampista vigués como o lateral soriano foron uns dos xogadores que non responderon positivamente á primeira oferta de renovación presentada pola comisión deportiva, polo que o club comezou a valorar outras opcións no mercado.
Desta forma, coincidindo a contratación este mércores de Carlos Ramos, mediocentro procedente do Burgos, y del defensor Miguel Ángel, Trigo quixo despedirse de club e afección cunhas sentidas verbas, nas que sinala que "toca despedirnos, por unos motivos u otros", aínda que esperando que "no sea un adiós, sino un hasta pronto", explicou despois dun ano no equipo.
Chegado a este punto e despois de "un año fantástico", no que foi un fixo nos plans de Luisito, o ata agora xogador granate quixo desexar "lo mejor" para o Pontevedra no futuro "por como me has tratado y lo que me has enseñado".
GRACIAS POR TANTO PONTEVEDRA C.F. pic.twitter.com/O8Gz6EjiPw
— Jacobo TRIGO (@jacobotrigo) 28 de junio de 2017
Tamén Bonilla quixo despedirse "después de un año increíble" e agradecendo "la confianza depositada en mí", asegurando ter "disfrutado como un niño" defendendo a camiseta granate.
Gracias por tanto Pontevedra pic.twitter.com/GW4HcnlDnR
— Javier Bonilla (@Xotiko11) 29 de junio de 2017
Coa confirmación do adeus de Jacobo Trigo e Bonilla, só falta por coñecer o futuro dun futbolista da pasada campaña ao que se lle ofertou a continuidade, como é Abel Suárez.