A chegada de Jabato ao banco do Cisne acelerou a negociación das renovacións cos xogadores do plantel pontevedrés.
Se Carlos Pombo e Álex Chan foron os primeiros en selar a súa continuidade, agora o club confirmou dúas novas renovacións, as dos extremos Javi Vázquez e Pablo Picallo.
O Cisne asegúrase así a continuidade de dous xogadores da casa, e é que tanto Vázquez (23 anos) como Picallo (24 anos), defenden a camiseta cineísta desde os 6 anos, pasando por todas as categorías ata chegar ao primeiro equipo.
A directiva do club espera pechar a próxima semana o capítulo de renovacións para centrarse nos reforzos que necesita o plantel para afrontar a súa segunda tempada consecutiva na División de Honra Prata.