Ata Belgrado desprazáronse dous deportistas do Mat's de Marín para participar no Open de Serbia de Taekwondo, proba de categoría G-1.
Katya Calvar (-67 quilos) e Pablo Fernández (-87 quilos) non contaron con fortuna na competición.
No caso de Katya, quedou a un paso das medallas ao perder en cuartos de final ante a sueca Elin Johansson por 8-4. Antes a marinense derrotara á representante de Grecia (3-0) e posteriormente á italiana Cristina Gaspa (6-2).
Pola súa banda Pablo Fernández gañou ao representante de Italia Matteo Marjanovic (9-1) e perdeu en oitavos de final ante o esloveno Iván Trajkovic.
A representación galega en Serbia si conseguiu unha medalla. Foi para Adrián Pombo, do Natural Sport Riveira, ouro en -73 quilos na categoría junior.