A Sociedad Deportiva Teucro decidiu confiar a coordinación de todas as súas categorías inferiores a Laura del Castillo.
A nova adestradora, ata agora a cargo do equipo infantil feminino, será a partir de agora a máxima responsable da base, contando para iso co apoio dos adestradores do primeiro equipo, Quique Domínguez e Luís Montes.
Laura del Castillo comezou a traballar como adestradora no Teucro na tempada 2012/2013, despois de 14 anos como xogadora do club. Desde entón, con só un pequeno parón por estudos, foi gañando importancia no corpo técnico.
Ademais da coordinación da base, a próxima tempada repetirá como adestradora do equipo infantil feminino, co que este ano alcanzou a primeira fase do Campionato de España, e tamén se fará cargo do equipo xuvenil feminino.