O ciclocrós pontevedrés e galego pechou a fin de semana o seu calendario internacional co II CX Internacional Concello de Ribadumia, cita á que se sumou como un 'bonus' a proba inaugural en Melgaço da Taça de Portugal, evento tamén de categoría C2.
En ambas as dúas unha das protagonistas foi a marinense Lorena Patiño, vencedora nas dúas probas na categoría júnior feminina. A ciclista do XSM de Marín pechou así un espectacular repóker internacional en nove días, ao impoñerse nese intervalo de tempo na Copa de España de Pontevedra, o Xaxán CX de Marín e na Copa de España celebrada nas Pontes.
En todas esas citas unha dos seus principais rivais foi Aroa Otero, ciclista do Froiz que foi cuarta nas Pontes, segunda en Ribadumia e terceira na cita de Melgaço.
En Ribadumia ademais triunfaron a belga Laura Verdonschot e o neerlandés Jens Dekker en próbalas elite.
Tamén o Froiz festexa os resultados do seu ciclista Miguel Rodriguez, ao terse posto líder da Copa de España tras o seu cuarto posto nas Pontes.