O Poio Pescamar vén de confirmar á súa quinta fichaxe estival, e por segunda vez acudindo ao persoal do campión de liga, o Burela Pescados Rubén.
O conxunto conserveiro fíxose cos servizos da internacional brasileira Luísa Mayara, futbolista que reforzou o pasado mercado invernal ao Burela.
Zurda de pé, Mayara chega ao club da Seca "para sumar un plus de calidade", afirma a entidade.
No seu segundo club en España tras unha longa traxectoria no seu país e tamén na liga italiana, Luísa Mayara reencontrarase en Poio coa súa compatriota Jane Marques, coa que coincidiu en Burela, sumándose a un plantel que empeza a estar practicamente definido.
Manu Cossío conta actualmente para o seu novo proxecto no banco vermello con 10 pezas confirmadas, ao sumarse esta nova fichaxe ás incorporacións de Lucía Paz, Jane Marques, Anna Escribano e Martita e ás renovacións de Caridad, Irene, Dani Sousa, Luci e Ana Rivera.