O Xuíz Único de Competición da Segunda División B castigou a José Luis Míguez 'Luisito' con dous partidos de sanción pola súa expulsión no choque do pasado domingo na Nueva Condomina ante o Real Murcia.
O técnico granate foi expulsado, segundo sinalou o colexiado no acta arbitral, "por protestar en reiteradas ocasións unha decisión miña berrando e cos brazos no alto, á vez que saíu da área técnica".
Esta protesta tivo lugar no minuto 89 de partido por unha acción de posible penalti na área murcianista que podería ter posto ao Pontevedra a un só gol de empatar a eliminatoria.
Unha vez concluída a tempada, Luisito deberá cumprir a sanción nos primeiros partidos da próxima campaña, que os granates comezaron a deseñar xa coa planificación deportiva entre o propio adestrador e o conselleiro responsable da área, Roberto Feáns.