O Poio Pescamar moveuse con rapidez para pechar a contratación do seu novo adestrador, tras a saída de Jorge Basanta por motivos persoais.
Fíxoo ademais acordándose dun vello coñecido, o brasileiro Marcio Santos, que asumirá o mando do equipo no que será a súa segunda etapa no banco da Seca.
Marcio deixou un grande recordo na súa etapa no Poio Pescamar, sendo o responsable técnico do ascenso á máxima categoría en 2013 e logrando a permanencia un ano despois no seu primeiro ano na elite.
Está previsto que o adestrador brasileiro chegue a Poio o próximo 27 de agosto para poñerse á fronte da pretempada vermella, que arrincará o próximo 1 de agosto.