Víctor Riobó e Leticia Fernández proclamáronse vencedores da proba absoluta na VII Carreira Pedestre de San Brais, primeira cita do Circuíto de Carreiras Populares de Pontevedra 2015.
En Salcedo déronse cita preto de medio milleiro de atletas, que desafiaron ao frío para inaugurar o calendario municipal de carreiras.
Riobó volveu ser o máis rápido nos case 6 quilómetros de esixente percorrido, parando o crono en 20 minutos e 15 segundos, seguido de Iván Docampo (20:19) e Elías Domínguez (20:44).
En categoría feminina Leticia Fernández impúxose cun tempo de 22:54 por diante de BArca Toba (24:38) e María del Rosario Figueroa (26:01).
As clasificacións completas por categoría poden consultarse na páxina web www.championchipnorte.com.
Tras a proba os participantes recobraron forzas coa tradicional chocolatada ofrecida pola organización, a Asociación de Veciños Salcedo Norte.