A Selección Galega Junior regresa a casa tras conseguir un brillante segundo posto na clasificación por equipos do Open de Croacia de Taekwondo, de categoría G-1.
Entre os resultados individuais, no taekwondo pontevedrés destaca a medalla de bronce de Nicolás Argibay (Taekanart) en -79 quilos junior, despois de protagonizar un notable torneo.
Pola súa banda en categoría absoluta a marinense Katya Calvar (Mat's) quedou a un paso das medallas en -67 quilos, ao caer nos cuartos de final.
Menos fortuna tivo o pontevedrés Borja Ríos (Hebe) en -63 quilos, ao cruzarse en segunda rolda co campión do Mundo, o belga Ashad, co que perdeu o seu combate.