Non tivo o seu día o Club Baloncesto Arxil na visita do León Cuna de Parlamentarismo ao pavillón do Centro Galego de Tecnificación Deportiva de Pontevedra.
Nin a volta da súa máxima anotadora, Yanique Gordon, evitou que as verdes se mostrasen inoperantes en ataque ante un rival que foi superior de principio a fin.
Tras empezar mandando timidamente no primeiro cuarto (12-18), as visitantes romperon o partido no segundo parcial, chegando ao descanso cun claro 20-35.
A pesar de que o ritmo das leonesas foi menor á volta de vestiarios, a súa vitoria nunca correu perigo cun Arxil ao que lle custaba atopar aro.
A derrota deixa ás pontevedresas no medio da táboa, oitavas, a tres triunfos xa do cuarto posto.
Consulta aquí o acta do partido.