Crear unha sección de deporte adaptado é o novo obxectivo que se plantexa o Club Atletismo Rías Baixas.
Así o aprobou a entidade deportiva nunha asemblea extraordinaria, e os seus responsables van máis aló coa intención de solicitar formalmente á Secretaría Xeral para o Deporte que habilite unha especialidade de atletismo adaptado no Centro Galego de Tecnificación Deportiva (CGTD).
O Rías Baixas propón ademais como coordinador a Gustavo Dacal, ex-campión de España de xavelina e que se segue recuperando da grave situación médica que atravesou en México e que lle deixou en cadeira de rodas.
"Queremos que xente en cadeira de rodas saiba que poden facer deporte", sinala Gonzalo Méndez como responsable da entidade deportiva, unha opción que abre unha nova vía na cidade porque "aquí en Pontevedra non hai nada e creo que é interesante. Levamos anos traballando no deporte adaptado e queremos dar un paso máis", recoñece.
De feito segundo sinala Méndez o propio Gustavo Dacal tería como obxectivo volver á competición no atletismo adaptado "se a súa evolución llo permite".