Continuidade para a portería de Club Cisne Balonmán. O conxunto pontevedrés contará a próxima campaña na División de Honra Prata coa mesma nómina de gardametas que o ano do seu debut en Asobal.
O último en sumarse ao proxecto foi este luns Juan Novas, confirmando a súa renovación e uníndose desta forma a Jorge Villamarín e Pablo González.
"Estou contento de anunciar a miña renovación polo club e poder demostrar o que non puiden debido ás lesións o ano pasado", sinala o porteiro do equipo pontevedrés.
RENOVACIÓN | Seguimos conociendo a los integrantes del equipo de #DHPlataMasc...En esta ocasión se trata del portero @juannovas1, que también renueva por una temporada ¡Ese Juan! #SomosCisne #OrgullososdoNoso #EseNovas pic.twitter.com/3Gz9ugOWGk
— Club Cisne Balonmano (@ClubCisneBalonm) August 2, 2021
Con Juan Novas pasan a ser xa 12 os xogadores confirmados para o próximo proxecto cisneísta tras a fichaxe do portugués Daniel Neves e as renovacións de Álex Chan, Andrés Sánchez, Pablo González, Alejandro Conde, Iván Calvo, Mateo Arias, Dani López, Javi Vázquez, Álvaro Preciado e Jorge Villamarín.