O Cisne fai oficial a súa segunda fichaxe para a súa tempada de debut na liga Asobal. Despois de pechar a contratación do lateral Carlos Pombo, a entidade que preside Santi Picallo confirma a chegada do pivote hispano arxentino Gonzalo Carró.
A través dun vídeo difundido polas redes sociais, o exteucrista mostrouse "moi contento" e "agradecido por apostar por min". É consciente Carró que se trata dun ano moi especial e comprométese a "loitar o máximo posible para levar ao club ao maior nivel que podamos dar", sinalou.
Muy contento de anunciar que la próxima temporada volveré a la liga @ASOBAL de mano del @ClubCisneBalonm .
— Gonzalo Carró Castro (@GonzaloCarroC) June 27, 2020
Afronto está nueva etapa con muchas ganas y mucha ilusión! https://t.co/JFa8ZFpSny
Con esta fichaxe, o plantel cisneísta queda practicamente pechado para o inicio de competición. Desde a dirección deportiva só están pendentes de confirmar as renovacións de Pablo Picallo e Javí Vázquez, que están moi próximas a pecharse; mentres que negocian a continuidade de David Chapela.
No capítulo de altas, o club espera poder aumentar o seu orzamento coa incorporación de novos patrocinadores que permitan ampliar o plantel cun novo xogador de primeira liña.