Ademais de renovacións e baixas, o Pontevedra empeza a definir a que será a próxima pretempada do equipo.
O primeiro rival confirmado no período estival será un dos pratos fortes da preparación, o Real Club Deportivo, segundo publicou o club coruñés na súa páxina web.
O partido ante o Deportivo será un dos dous trofeos de verán que habitualmente organiza a entidade granate no Estadio Municipal de Pasarón.
Este encontro servirá previsiblemente de presentación do Pontevedra ante a súa afección ao chegar na fase inicial da preparación, xa que está previsto que se xogue o martes 25 de xullo, nun horario aínda por confirmar.