As negociacións da organización, a cargo da Sociedade Gimnástica e o Instituto Municipal de Deportes, e a Federación Galega de Atletismo chegaron a bo porto e o Medio Maratón Cidade de Pontevedra será este ano campionato autonómico da distancia.
Será a segunda vez que isto suceda. A primeira, no ano 92, supuxo ademais o estreo da carreira popular, que ha ir crecendo cada ano ata situarse entre as máis concorridas de Galicia.
O pasado ano foron máis de 1.500 os atletas participantes, unha cifra que esperan superar na que será a edición XXI da proba, fixada para o próximo 16 de outubro. Agora, a súa designación como Campionato Galego fará que conte cun alto nivel competitivo.
A cita supoñerá ademais o peche do IV Circuíto de Carreiras Populares de Pontevedra.