O Pavillón Muncipal de los Deportes presentou un bo ambiente durante a primeira xornada de competición do Open de España de taekwondo, que se celebrará en Pontevedra ata o próximo domingo.
O torneo arrancou ás 8:00 horas deste venres coa modalidade de Técnica (Poomsae), na que estaban inscritos 464 deportistas, 88 deles correspondentes ao equipo galego.
Cinco tapices estrearon a competición con participantes dende categoría cadete ata a de menores de 60 anos.
Xa pola tarde os tapices reducíronse a dous para acoller as modalidades de Freestyle e Exhibición, esta última con 71 galegos inscritos.
Este sábado comezará o Open de España de combate, para as categorías cadete e júnior, mentres o domingo será quenda da categoría absoluta, coa presenza dalgúns dos mellores especialistas do ranking mundial ao estar catalogado o torneo como G-1.
Ambas as dúas xornadas arrancará ás 8:00 horas e contarán cunha entrada para o público que se fixou en cinco euros.