A segunda fichaxe do Pontevedra Club de Fútbol no mercado invernal é xa unha realidade. Trátase de Antonio Bello, que chegou a un acordo para incorporarse ao equipo, segundo informou a entidade granate.
Bello, extremo xerezano de 31 anos, chega procedente do UCAM Murcia do Grupo IV de Segunda B, co que rescindira o seu contrato nas últimas horas.
Aínda que é destro, actuou con asidiudade nas dúas bandas, ademais de na posición de segundo dianteiro.
Antonio Bello ocupará a vacante deixada por Tubo e será presentado este venres na sala de prensa do Estadio Municipal de Pasarón.
Ao longo da súa carreira xogou en equipos como Alcoyano, Jerez Industrial, Écija e Balompédica Linense.