"Sólo un tópico es siempre verdadero, necesitamos a nuestra afición para ganar. El domingo ven a Pasarón". Con esta mensaxe do adestrador granate Manu Fernández conclúe o vídeo promocional do encontro do próximo domingo entre Pontevedra e Atlético Granadilla elaborado pola entidade lerezana.
O Pontevedra recorreu á súa canle oficial de Youtube para pedir o apoio dos seus afeccionados no choque de ida das semifinais polo ascenso a Segunda B no Estadio Municipal de Pasarón (domingo 20:00 horas).
Edu Sousa, Tubo, David Pérez, David Feiro, Adrián, Pablo Lede, Fran Fandiño e o propio técnico protagonizan o anuncio, co pretenden lograr que o estadio lerezano mostre o seu mellor aspecto dos últimos anos ante o equipo canario.