O Tenis de Mesa Monte Porreiro prolonga a súa boa serie e xa son tres os triunfos consecutivos que suma no seu haber e permítenlle manterse nunha cómoda zona media da clasificación.
Pero os de Nando Fernández tiveron que remontar un 1-0 en contra inicial tras a derrota no primeiro envite de Gastón Alto ante Okano Shunsuke (12-10/7-11/11-7/11-9) e, a partir de aí, foi carne sen ósos.
Miguel Ángel Vílchez igualou o encontro co seu triunfo ante Xabier Peral por 0-3 (7-11/4-11/8-11), Bentancor sentenciou a Pantoja con outro 0-3 (7-11/9-11/4-11) e de novo Vílchez superou a Shunsuke para dar a vitoria aos de pontevedra a falta dun enfrontamento (7-11/4-11/7-11).
Finalmente, a puntilla á boa xornada púxoa Gastón Alto ante Pantoja nun sufrido duelo que se decidiu por un axustado 2-3 (11-9/6-11/2-11/11-7/7-11).
Con este resultado, o TM Monte Porreiro mantense na sétima praza empatado a puntos co San Sebastián de los Reyes, que é sexto.
Consulta a acta de partido nesta ligazón