É un dos grandes obxectivos da tempada, polo menos dos que esperta máis ilusión no Poio Pescamar, que xa sabe que camiño lle espera na fase final da Copa da Raíña.
O conxunto conserveiro, iso si, quedou colocado no lado a priori máis complicado do cadro final do torneo, tras o sorteo celebrado este martes por parte da RFEF.
Gran parte desa sensación tena que as vermellas afrontarán os cuartos de final de Copa ante o anfitrión da fase decisiva, o MRB Móstoles FSF, actual décimo clasificado na máxima categoría do fútbol sala nacional.
De gañar ese choque, en semifinais aparece como posible rival o líder de Primeira División, o Melilla CD Torreblanca, si logra superar a un equipo de Segunda como o Leganés Masdeporte.
Polo outro lado o cadro os enfrontamentos que deparou o sorteo para os cuartos de final son Lainco Rubí-Arriva AD Alcorcón e Atlético Torcal-FSF Castro.
A fase final da Copa da Raíña de fútbol sala disputarase no pavillón Móstoles Sur do 1 ao 3 de maio.
Engade Pontevedra Viva como fonte preferida de Google de balde
Mantente informado coas últimas noticias de actualidade.