O campo de fútbol da Rapeira, en Portas, acolleu a pasada fin de semana o torneo de fútbol de categoría biberóns organizado pola Cultural Deportiva de Portas, no que participaron 16 equipos da contorna como o Portas, Verdugo, Alondras, Atlético Cuntis, Barro, Caldas, Beluso, Portonovo, San Martín, U.S.D. Grove e Vilalonga.
O alcalde de Portas, Ricardo Martínez, acompañado polos tenente de alcalde Alfonso Vázquez e a concelleira Ana Peña achegouse ata o lugar para contemplar as evolucións destas novas promesas.
Esta actividade motivou a presenza dun numeroso público que xerou moito dinamismo nesta xornada festiva en Portas pola actividade deportiva.
Ricardo Martínez felicitou aos organizadores de evento e manifestou a súa satisfacción porque Portas estea dando un exemplo proactivo na posta en marcha de iniciativas de carácter deportivo que fomenten hábitos saudables entre a mocidade ou, como neste caso, a cativada de curta idade.
“Para nós é fundamental o fomento da práctica deportiva entre os nosos cativos porque ademais de ser un aliciente lúdico aprenden valores de socialización como o compañerismo, a importancia de compartir, do esforzo, da búsqueda de obxectivos comúns e, sobre todo, de divertirse”, indicou o alcalde Ricardo Martínez.