O Complexo Deportivo Rías do Sur, en Pontemuiños, será escenario este sábado 9 de abril do XI Trofeo Promesas do Lérez.
A competición, primeira en piscina de 50 metros e cronometraxe electrónica para moitos dos participantes, reunirá a 395 deportistas de 14 clubs galegos e un procedente de Portugal.
O club anfitrión, o Natación Galaico, será o que máis nadadores achega, con preto de 50, nas categorías prebenxamín, benxamín e alevín.
A competición comezará ás 10:30 horas do sábado coas eliminatorias, mentres as finais disputaranse a partir das 17:30 horas.