Cada fin de semana que pasa a Primeira RFEF 25/26 na que vai competir o Pontevedra Club de Fútbol tras o seu ascenso toma máis forma.
O descenso matemático do CD Tenerife desde a Segunda División pon xa sobre a mesa a un nomes que partirá como favorito máximo ao ascenso.
Xunto ao equipo canario Racing de Ferrol e Cartagena son outros dous clubs que chegarán como recentemente ascendidos.
Pola súa banda xunto ao Pontevedra, ascenderon como campións de Segunda RFEF a CE Europa catalán, o CD Guadalajara, as Arenas Club de Getxo e o Torremolinos.
En total oito clubs xa con praza confirmada en Primeira RFEF, pero son outros moitos os que aseguraron a súa permanencia na categoría e, a falta de dúas xornadas de competición nesta, teñen case imposible pelexar polo play-off.
Nesa situación no actual Grupo I aparacen nomes como SD Tarazona, Ourense CF, Celta Fortuna e Athletic B. Ademais Barakaldo ou Arenteiro teñen cerca a salvación, pero aínda teñen que confirmala.
No Grupo II equipos como o Real Madrid Castilla ou o Algeciras están xa salvados e a 4 e 5 puntos da fase de ascenso con 6 por xogarse, mentres que Alcorcón, Hércules e Betis Deportivo rozan a permanencia.
Nomes todos eles aos que está pendente o Pontevedra para saber que lle espera o próximo curso, aínda que sexa cedo para coñecer como se repartirán os dous grupos de competición.
Engade Pontevedra Viva como fonte preferida de Google de balde
Mantente informado coas últimas noticias de actualidade.