Oitava peza confirmada para o novo proxecto deportivo da Sociedad Deportiva Teucro na División de Honra Prata.
Trátase de Roi Sierra, terceiro xogador que o pasado ano contaba con ficha do filial en Primeira Nacional e que dá o salto ao primeiro equipo de maneira definitiva.
O central iniciou o curso pasado co segundo equipo pero aos poucos foi gañando protagonismo e minutos co primeiro plantel.
"É un xogador de moita proxección con gran capacidade de mellora. Sen lugar a dúbida será fundamental en diversas fases de xogo", explicou o club teucrista sobre Sierra tras confirmar a súa renovación.
RENOVACIÓN Roi Sierra. Llegó a la familia teucrista la pasada temporada y su buen hacer le convierte un jugador de gran proyección.
— S.D. Teucro (@sdteucro) July 21, 2020
Estamos muy orgullosos de que defiendas nuestra camiseta #somosazuis
Toda la información nuestra web https://t.co/pOu7E25tia pic.twitter.com/VqOZj24hIA
O xogador pola súa banda, formado no BM Lalín, recoñeceu que "é unha gran oportunidade, para min como xogador, de poder competir a un nivel alto". Pola súa banda sobre a próxima tempada Sierra asegurou que "daremos todo o que podamos para poder lograr os obxectivos".
Roi únese desta forma a unha nómina de xogadores confirmados que xa engrosaban Jacobo Río, David Rey, Samuel Pereiro, Marko Dzokic, Caüe Herrera e os fichados Miguel Sío e Víctor Deco.