O adestrador do Pontevedra Club de Fútbol, Rubén Domínguez, mostrouse "moi satisfeito" da vitoria 1-2 contra a Celta Fortuna, que "nos achega ao obxectivo", pois suman xa 21 puntos, rozando a metade dos que lle fan falta ao equipo.
"O que logramos hoxe é asaltar o campo do Celta B", segundo na clasificación e con "xogadores que seguramente cheguen ao fútbol profesional, algún xa chegou". Ten "moitísimo mérito", destacou.
Destacou tamén Rubén Domínguez que a última vez que o Pontevedra estivo en primeira REF só sumou dúas vitorias fóra de casa e, coa deste sábado, esta tempada xa suma tres "e aínda non terminou a primeira volta".
Mostrouse confiado en que "este equipo vai lograr o obxectivo porque se os ves traballar, traballan como animais". É "un equipo fiucego que nos 90 minutos máis o desconto sempre aperta, sempre está".
Tras gañar ao Celta B, quere centrar ao equipo. "O primeiro que ten que lograr ao Pontevedra é estabilizarse na categoría, con ambición, porque non imos renunciar a nada", pero ve necesario "saber onde estamos", nunha categoría con moitos segundos equipos con orzamentos millonarios.
Domínguez lamenta que "moitas veces só valórase o traballo polo resultado", pois saca peito de que, desde que empezou a liga, o Pontevedra é "un equipo moi traballador, moi fiucego" e é un equipo que "sempre honra ao escudo".
Non se esquece das circunstancias excepcionais do partido deste sábado en Balaídos, menos de 72 horas despois da eliminación na Copa do Rei fronte ao Eibar. A pesar dela, sacou peito do traballo dos seus xogadores: "Fixarvos como competimos".
Na rolda de prensa posterior ao partido, valorou que o equipo volve encadear en liga dous partidos seguidos sumando e destacou que, do nove últimos partidos, "só perdemos un".
O Pontevedra, en palabras do seu adestrador, fixo unha "primeira parte de alto nivel" e, aínda que recoñece que na segunda parte "ao final faltáronnos as forzas", o partido "foi máis equilibrado" e "puido caer para calquera", considera que "os tres puntos de hoxe son xustos polo cómputo da primeira e da segunda metade".
O técnico rexeita personalizar a vitoria, pois "o Pontevedra, cando gana, gaña por todos" e destaca que, de feito, "cando estamos unidos, somos un equipo moi forte que xoga con moita paixón".
E é que "un equipo unido, ao final, é moito máis forte que calquera situación individual".
O adestrador lembrou que Edu Sousa fixo este sábado historia do Pontevedra, pois se converteu no segundo xogador con máis partidos oficiais disputados co club, por detrás de Álex González.
"Para min, é unha honra ter aos dous xogadores con máis partidos da historia do Pontevedra", aplaudiu, e dixo deles que "son exemplares no vestiario, son exemplares no día a día e márcannos ao resto o camiño do que é o Pontevedra Club de Fútbol".
Non se esqueceu da afección, que os apoiou en Vigo. "Notámolos que é unha pasada" e "aí onde hoxe as pernas non iamos, notabámolos e iamos", asegurou e tamén pediu que manteña ese apoio: "ímosvos a necesitar durante todo o ano".
"Hoxe a afección levounos polo aire, sobre todo na segunda metade", insistiu.