Quinta fichaxe no Arosa, que mantén o ritmo na planificación dun plantel que cada vez está xa máis perfilado.
O último en chegar foi este venres o dianteiro Rubo Blanco, xogador de 30 anos procedente do Somozas e coñecido ademais de por a súa traxectoria como futbolista polo seu paso por un popular reality televisivo, 'La Isla de las Tentaciones'.
"Está claro que o obxectivo tanto do club, como da afección, como dos xogadores é o ascenso", asegura ambicioso o ariete, que sumou 13 goles en campaña e media en Somozas. Antes pasara por equipos como o Deportivo Arabés B, o UP Langreo, o UC Ceares, o Real Ávila CF ou Arandina, todos eles en Terceira.
Blanco asegura estar "súper agradecido e contento, con moitísima ilusión" por iniciar a súa nova etapa na Lomba.
Con el, entre fichaxes e renovacións, o Arosa confirmou xa 16 futbolistas para a próxima tempada.