Por segunda xornada consecutiva o Rías Baixas Surf Pro da Lanzada viuse obrigado a suspender a xornada de competición na proba do campionato mundial pola falta de ondas.
A pesar deste contratempo a organización mantén que o torneo "se va a celebrar" no areal pontevedrés, polo que polo momento non se formulan cambiar de praia.
Toca pois mirar ao mar e esperar a chegada dunhas ondas que permitan gozar dalgúns dos mellores surfistas do momento.
Todos eles foron citados de novo para as 9:00 da mañá do sábado.
Mentres tanto a programación paralela ao Rías Baixas Surf Pro continúan na Lanzada con actividades como os bautismos de surf, que están a contar cunha grande aceptación.