A Sociedad Deportiva Teucro confirmou a que é a sétima renovación no seu plantel para a próxima tempada.
Trátase de Ricardo González, considerado como unha aposta de futuro para o posto de extremo esquerdo e que vivirá así a súa segunda campaña no equipo.
González chegou ao Teucro o pasado ano procedente do Balonmán Artai-Poio "destacando pola súa eficacia para portería e a súa gran velocidade na saída ao contraataque", sinala a entidade pontevedresa.
"O meu obxectivo principal é seguir crecendo cada día para axudar ao equipo en todo o que poida e conseguir os obxectivos que nos propoñamos tanto individual como colectivamente", sinalou tras a súa renovación.
Desta forma o extremo únese a Caue Herrera, Miguel Sío, Alejandro Gómez, Víctor Deco, Iago Rodríguez e Pedro Sánchez no novo proxecto teucrista na División de Honra Prata.