A un paso quedou a pontevedresa Silvia Aguete de ser nomeada mellor porteira do mundo.
A gardameta do Poio Pescamar quedou en segundo lugar nos Umbro Futsal Awards de fútbol sala, premios que recoñecen aos e as mellores do ano a nivel internacional.
A gañadora do galardón foi finalmente a portuguesa Ana Catarina, que se impuxo ao Silvia ás outras 8 xogadoras nomeadas: Ana Etayo (España), Anastasia Ivanova (Rusia), Ayaka Yamamoto (Xapón), Bianca Castagnaro (Brasil), Farzaneh Tavasoli (Irán), Jhennifer De Oliveira (Brasil), María Antonio Mascia (Italia) e Pannipa Kalomrat (Tailandia).
A pesar de non vencer, este nomeamento recoñece a gran tempada da porteira vermella, consolidada na Selección Española e elixida polas súas compañeiras como a mellor gardameta do ano na Primeira División nacional.
Os Umbro Futsal Awards escolleron ademais a outra futbolista española, Ame Romero (Futsi Atlético) como segunda mellor xogadora do ano.