Silvia Aguete, tras gañar a Eurocopa de fútbol sala: "Con el paso de las horas seré más consciente de lo que hemos hecho"

Poio
18 de febreiro 2019

A gardameta pontevedresa do Poio Pescamar escribiu o seu nome nos libros de historia do deporte nacional ao ser peza crave no triunfo da Selección Española na primeira Eurocopa de Fútbol sala organizada de maneira oficial pola UEFA

España celebra o triunfo na Eurocopa de Fútbol Sala
España celebra o triunfo na Eurocopa de Fútbol Sala

A Selección Española de Fútbol sala fixo historia esta fin de semana ao proclamarse campioa da primeira Eurocopa de categoría feminina organizada de maneira oficial pola UEFA, e fíxoo con protagonismo propio e merecido dunha xogadora pontevedresa, Silvia Aguete.

A gardameta do Poio Pescamar foi clave no rendemento do combinado nacional, sendo titular tanto nas semifinais contra Rusia, nas que venceron por 5-0, como na final ante a anfitrioa do torneo, Portugal, cun resultado de 4-0 no que tivo un papel destacado.

Silvia realizou un torneo sobresaliente, e nos minutos máis importantes do partido polo título foi un auténtico muro para o equipo portugués, que nin con xogo de cinco conseguiu batela e sufriu paradas de todos os estilos.

"Lo he disfrutado un montón, yo creo que era el día para que las cosas salieran bien y en ese sentido estoy muy satisfecha del trabajo que he hecho personalmente y sobre todo del equipo", sinalou a pontevedresa tras a final, xa coa medalla de ouro no peto, en declaracións á Real Federación Española de Fútbol.

"Ahora mismo no soy consciente de casi nada. Estaba deseando que acabara el partido, que Anita levantara la copa por fin y supongo que con el paso de las horas seré más consciente de lo que hemos hecho", concluíu sobre un campionato que significa moito para o fútbol sala feminino nacional e que augura un futuro aínda máis brillante.

No triunfo español tivo tamén a súa cota de responsabilidade outro pontevedrés, Adrián Paz, como membro do corpo técnico de España durante a fase final disputade na localidade lusa de Gondomar.