O Club Cisne Balonmán xa coñece a que rival se medirá na primeira rolda da Copa do Rei 24/25, tras o sorteo celebrado na sede da Real Federación Española de Balonmán.
O conxunto pontevedrés quedou emparellado co Ángel Ximénez de Puente Genil, equipo que milita actualmente na Liga Asobal.
A eliminatoria, a partido único, disputarase no Pavillón Municipal dos Deportes de Pontevedra.
En canto ao resto de galegos en liza, o bombo deparou un derbi provincial entre Atético Novás e o Balonmán Cangas.
A falta de concretar o horario final do encontro, a primeira rolda de Copa está fixada no calendario para o mércores 30 de outubro.