Agridoce xornada para Bea Gómez Cortés no terceiro día de competición do Campionato de España Open de Primavera.
A nadadora do Galaico logrou o seu terceiro metal cun bronce nos 200 estilos (que engade ás pratas logradas nos 800 libre e 400 estilos).
A cara amarga é que a pontevedresa parou o crono en 2:14.27, a dous segundos do seu record galego, quedando a un paso de conseguir a marca mínima para participar no Mundial de Kazan, algo que si lograra nos seus dous podios anteriores.
A gañadora da proba foi unha vez máis Mireia Belmonte (2:12.80), intratable ata o momento no Open, e segunda a turca Zeynep Gunes (2:14.14).
A representación do Galaico en Málaga completárona este luns Paula Goyanes, que causou baixa nos 1.500 e logrou un tempo de 2:28.69 nas series dos 200 estilos; e Cristian Fernández nos 800 libre (8:36.93).