O marchador pontevedrés da Sociedad Gimnástica Daniel Chamosa proclamouse a pasada fin de semana campión autonómico na modalidade de 10 quilómetros marcha en ruta. No campionato celebrado na Pobra do Caramiñal, Chamosa logrou ademais establecer a súa mellor marca persoal cun rexistro de 41 minutos e 22 segundos.
O atleta avantaxou en máis de catro minutos aos seus dous inmediatos perseguidores: Juan Manuel Morais do Castelo e José Fernández Nieves, ambos de categoría máster 40.
Con este triunfo, o marchador da Ximnástica comeza o novo ano co mesmo bo estado de forma co que pechou 2021, no que xa mellorara os seus rexistros, foi subcampión autonómico na mesma distancia en pista e contribuíu cos seus resultados para manter ao seu club en División de Honra.
Doutra banda, a estradense Carmen Escáriz proclamouse tamén campioa galega na mesma proba cunha marca de 46 minutos e 1 segundo.