Dous casos detectados en probas de antíxenos a senllos xogadores da UD Ourense esta semana acenderon as alarmas no Couto. Días despois, outros membros do primeiro equipo presentan síntomas compatibles coa enfermidade. O cadro ourensán comunicou a situación ás autoridades sanitarias e a Real Federación Galega de Fútbol, que confirmou a suspensión do partido desta fin de semana contra o Arousa SC.
No momento en que se coñeceron os positivos, o club ordenou suspender toda a actividade deportiva, incluídos os adestramentos. Ademais, realizaron unha nova rolda de PCRs a todo o plantel para coñecer o alcance exacto dos contaxios.
É o segundo partido aprazado consecutivo para o Arosa, que non puido enfrontarse ao Arenteiro na pasada xornada pola mesma razón. Ademais, o cadro do Carballiño tampouco xogará esta fin de semana contra o Ourense CF para garantir a seguridade de todos os xogadores.
Aviso | A UD Ourense ven de comunicar a suspensión de todos os adestramentos, apelando á máxima responsabilidade, por mor de posíbeis positivos Covid dentro da estrutura do club. pic.twitter.com/02qAiMTZxc
— UD Ourense (@UDOurense2014) January 14, 2021