O ex-seleccionador nacional, Vicente Del Bosque, foi o principal protagonista da terceira das chalas organizadas polo aniversario do Pontevedra Club de Fútbol.
Del Bosque explicou as súas experiencias como técnico e as claves do funcionamento dun vestiario profesional, especialmente no caso do combinado nacional na súa época gloriosa.
Tamén deixou algunha referencia ao club granate, aproveitando que o seu compañeiro de mesa era o médico Juan Cota, actualmente na Federación Española e o Celta de Vigo pero protagonista do ascenso do Pontevedra a Segunda División en 2004, ao formar parte daquel equipo adestrado por José Aurelio Gay.
O coloquio estaba dirixido polo xornalista Santiago Segurola, que este venres repite na última das charlas previstas xunto a Roberto Palomar e Ramón Besa.
Ademais a Finca Batacos acollerá desde as 22:00 horas a cea oficial do aniversario granate.
SERGA, COS XOGADORES DO HAI QUE ROELO
No medio dos actos do 75 aniversario do Pontevedra, un dos patrocinadores do club, Serga, recibiu a visita de varios xogadores históricos, da época do Hai Que Roelo.
Pola sede da empresa pasaron ex-fubolistas como Fuertes, Ceresuela ou Calleja, que tamén participan estes días nos actos organizados pola entidade granate.