Despois de varias xornadas, o Pontevedra Club de Fútbol regresa ao horario no que máis veces competiu esta tempada, o sábado á primeira hora da tarde.
A Real Federación Española de Fútbol confirmou os horarios da xornada 34 de liga en Primeira RFEF, na que os granates recibirán o Celta Fortuna no Estadio Municipal de Pasarón.
Un partido que foi fixado para o sábado 25 de abril ás 16.15 horas da tarde.
Será un duelo que se incluirá na canle lineal das principais plataformas audiovisuais e que tamén será ofrecido pola Televisión de Galicia.
Antes de chegar alí os granates xogarán aínda este mércores 8 de abril a domicilio contra o Arenas de Getxo (19.00 horas), contra a Ponferradina en Pasarón o domingo 12 de abril ás 16.00 horas e visitarán o Guadalajara o domingo 19 de abril ás 18:15.