O Partido Popular de Poio, co candidato Ángel Moldes Martínez á cabeza, celebrou durante este domingo 3 de maio a súa tradicional romaría en monte Castrove dirixida a presentar a lista que opta ás eleccións municipais do próximo 24 de maio.
Á cita non faltaron o presidente do Partido Popular provincial, Rafael Louzán nin o secretario xeral do PP de Galicia, Alfonso Rueda, ao igual que outros candidatos da agrupación política como Telmo Martín, cabeza de lista por Sanxenxo, María Ramallo, candidata de Marín, Jorge Cubela, de Cotobade e o presidente de Portos de Galicia, José Juan Durán.
O evento, que tiña o municipalismo como principal de tema de análise, desenvolveuse coa intervención de Ángel Moldes na Casa do Cazador, que se mostrou crítico coa xestión de Luciano Sobral durante os seus mandatos no concello de Poio. Tras os discursos políticos levouse a cabo unha comida de confraternidade coa presenza de numerosos comensais.