As fortes trombas de auga que caeron este martes pola tarde deixaron notar os seus efectos no leito do río dos Gafos.
Este mércores o río baixa desde a parroquia de Tomeza completamente tinguido de cor marrón e desemboca no Lérez con esa tonalidade achocolatada.
Non é a primeira vez que isto ocorre. Nin o Seprona nin a Policía Local detectaron nada anormal máis aló da escorrentía propia dos forte chuvieiros das últimas horas.
Desde a asociación Vaipolorío relacionan estes arrastres de terra coas obras de construción da autovía A-57.