A desembocadura do río dos Gafos nas Corbaceiras, no inicio da ría de Pontevedra, sorprendeu a moitos veciños esta fin de semana polo seu aspecto.
Unha lámina de auga cor amarronada mesturábase co resto da ría, producindo un rechamante contraste.
Esta situación provocou unha nova denuncia da asociación Vaipolorío, alertando das verteduras de terra que veñen detectando en datas recentes.
O colectivo ecoloxista bota a culpa da situación ás obras da autovía A-57, e con certa sorna sinalou nas súas redes sociais que "tamén o Nilo ten tramos nos que as augas teñen cor distinta, segundo o afluente do que procedan".