Este martes partiu do aeroporto de Santiago de Compostela a segunda rotación de militares da Brilat rumbo a Mali. Complétase así o despregamento de EUTM Mali XIII.
O obxectivo principal desta misión é o de dar resposta ás necesidades operativas ás forzas armadas malianas mediante formación e asesoramento en mando e control, apoio loxístico e recursos humanos, así como formación en dereito internacional humanitario, protección de civís e os dereitos humanos.
Ademais os militares españois contribuirán, a petición de Mali e en coordinación coa misión multidimensional integrada de estabilización das Nacións Unidas en Mali (MINUSMA), ao desarmamento, a desmobilización e o proceso de reintegración incluídos no acordo de paz, mediante a realización de sesións de formación para a reconstrución das forzas armadas de Mali.
A Brilat participará na iniciativa europea G5 Sahel.