A morte dunha muller de 82 anos elevou a 21 as vítimas da covid-19 na área sanitaria de Pontevedra e O Salnés, segundo confirmou a Consellería de Sanidade.
Desde o Servizo Galego de Saúde indicaron que esta muller presentaba outras patoloxías previas.
Dáse a circunstancia de que este é o segundo falecemento por coronavirus en menos de tres días na área sanitaria, xa que o pasado mércores morría outra muller de 89 anos no Hospital Montecelo.
Ata este venres a área sanitaria de Pontevedra e O Salnés acumulaba un total de 765 casos activos por covid-19, é dicir, o que supón 30 casos menos con respecto ao día anterior.
Tamén rexistráronse un total de 44 novas altas de pacientes curados.
O Sergas indica que hai seis persoas ingresadas na Unidade de Coidados Intensivos (UCI) en Montecelo e outros 14 pacientes ingresados en planta.