A Casa da Luz foi escenario este domingo dun taller infantil diferente, deseñado para introducir aos nenos de 0 a 3 anos no ritmo e a música a través de temas tradicionais galegos.
A actividade 'Prende no Colo', incluída dentro do proxecto Apego, reuniu a 25 familias durante unha hora.
Dirixida por Luís Prego, profesor de canto e baile tradicional, e coa colaboración do músico Samuel Soto, interpretaron 'cantigas' e cancións de berce e realizaron xogos cos pequenos.
Este obradoiro terá continuación o mércores 11 de maio de 18:00 a 19:00 horas cunha nova sesión, que como todas as citas de Apego será de balde aínda que coa necesidade de inscribirse previamente.
Apego é un proxecto que tenta fomentar o galego como lingua de relación familiar aproveitando as raíces e o patrimonio que atesoura o idioma.