Coas marcas dos terreos que van ser necesarios para executar as sendas da parroquia de Raxó comezaron as obras de mellora do primeiro tramo da estrada PO-308 ao seu paso por Poio. O delegado da Xunta en Pontevedra, José Manuel Cores Tourís, e o alcalde de Poio, Luciano Sobral, asistiron a este acto que fora demandando polos veciños de Poio para mellorar a seguridade.
Durante esta primeira xornada levouse a cabo a colocación de estacas, tal e como sinalou Cores Tourís que indicou que tan pronto como o Concello informe da posibilidade da expropiación dos terreos irase executando o proxecto para poder adxudicar a obra durante 2016.
As obras que se van a acometer supondran uns 200 metros de expropiación de parcelas municipais, a execución de dous muros de contención e a creación dunha pasarela elevada na curba da baixada á praia de Fonte Maior, que permitirá manter o lavadoiro, segundo explicou Cores Tourís.
O pasado 17 de xaneiro chegouse a un acordo entre o goberno autonómico e o Concello de Poio para mellorar a estrada PO-308.
Segundo informa a Xunta de Galicia, o goberno galego investiu nos últimos anos 1,5 millóns de euros en obras neste tramo coa mellora de interseccións na zona de Combarro ou a renovación da capa de rodaxe na denominada "curva dous cotos".