Unha das principais entradas ao núcleo urbano de Sanxenxo estará en obras durante dúas semanas. É a Avenida de León, en plena PO-308, concretamente o tramo que discorre entre o miradoiro de Palacios e a intersección coa Rúa Madrid.
Operarios contratados pola Xunta de Galicia iniciaron este luns os traballos para repoñer a capa de rodaxe e realizar diversas reparacións na calzada.
O tramo no que se vai a actuar é de 750 metros e está previsto instalar tamén tres pasos peonís elevados.
A obra forma parte dos reforzos de firmes que executa a Xunta en varios tramos da PO-308 entre Poio e Sanxenxo, por valor de 3,3 millóns de euros.
Ademais desta actuación, tamén se vai a aglomerar o tramo que vai desde a praia de Areas ata a Avenida de León, neste caso 1,5 quilómetros de lonxitude.
Esta obra realízase dentro do convenio entre o Concello e Acuaes tras as actuacións de saneamento realizadas na zona, pero baixo as directrices autonómicas.
Ambas as dúas obras estarán finalizadas o 15 de xuño para non interferir coa tempada estival.