Os servizos de Emerxencias do Concello de Cambados interviron nun accidente de tráfico ocorrido na noite deste venres a sábado no Paseo Marítimo do municipio de Cambados.
Un vehículo, por causas que se investigan, saíu da calzada e impactou contra unhas pedras ornamentais, causando danos ao mobiliario urbano.
O turismo sufía diferentes desperfectos tanto na parte frontal como nun lateral.
Como resultado do suceso, a pasaxeira, identificada como E.A.M., de 20 anos e veciña de Cambados, foi evacuada ao Hospital do Salnés por unha ambulancia do 061.
Na intervención colaboraron, ademais do Servizo de Emerxencias de Cambados, persoal médico da PAC de Cambados, a ambulancia do 061 e a Garda Civil de Tráfico.