Un accidente de tráfico entre dous coches provocou o corte da N-640 durante unha hora e media.
Unha persoa resultou ferida como consecuencia deste aparatoso sinistro ocorrido sobre as dúas e dez minutos da tarde.
Segundo explicaron desde os servizos de emerxencias, un dos vehículos saíuse da vía provocando un impacto cun segundo coche.
O Centro de Atención ás Emerxencias 112 Galicia informou que o accidente se produciu na estrada nacional, entre O Piñeirio e Sobradelo.
Interviñeron a Policía Local, a Garda Civil que abriu dilixencias ao tratarse dunha zona de Tráfico e o Servizo Municipal de Emerxencias e Protección Civil.