Unir esforzos e apostar pola promoción do turismo é a liña marcada este xoves na xornada 'Turismo: Reinventar o presente', impulsada pola Agrupación industrial de Turismo e a Deputación de Pontevedra.
Carmela Silva, presidenta provincial, afirma que do 72 mil millóns de euros non reembolsables, que chegarán de Europa, ata 44 mil millóns terán impacto no sector turístico. A máxima dirixente da provincia citaba ao secretario do Estado ao falar destas cifras e por iso trasladou a importancia de afrontar un traballo desde a unión para dar resposta aos grandes retos para modernizar o sector, entre os que se atopa a dixitalización, a sustentabilidade, a xeración de riqueza no territorio, as canles de distribución e a excesiva dependencia da touroperación.
Desde a Deputación, Carmela silva afirmou á Agrupación industrial de Turismo a súa vontade de dedicar moitas horas para poñer en marcha plans potentes para que os recursos cheguen ao sector e fagan que "sigamos a ser un modelo turístico".
Cesáreo Pardal, presidente da Agrupación industrial, agradeceu á Deputación a súa implicación na actividade e enxalzou a súa aposta pola promoción turística desde unha concepción actual e rigorosa.
'Turismo: Reinventar ou presente' concentraba este xoves as conferencias de Fabián González sobre a innovación en tempos de covid-19; de David Bonilla e de Sixto Arias. Tamén se organizou unha mesa de debate sobre os protocolos e resilencia aplicadas ao turismo.