Sen apenas respiro tras o primeiro dos premios que o sorteo extraordinario de Nadal da Lotería Nacional deixou na provincia de Pontevedra chegou o segundo. Trátase do terceiro quinto premio que saíu esta mañá.
6.000 euros por décimo recibirán os posuidores do número 88979.
Do mesmo xeito que o anterior, todo apunta a que foi vendido de forma automática a través de máquina, porque hai premiados por todo o territorio nacional.
A comarca do Salnés é unha das zonas onde máis sorte parece repartir.
Hai agraciados en Cambados, O Grove, A Illa de Arousa -na mesma administración de outro quinto premio, o 45353- ou Meis.
Este quinto premio tamén se vendeu en Salceda de Caselas, Vigo, O Porriño, Salvaterra ou Tomiño.